ROH

Австралийн ROH брэндийн оффрөүд нөхцөлд зориулсан тусгай хийц бүхий зормол обудыг танилцуулж байна. Тус брэндийн түүх 1946 оноос эхтэй бөгөөд 80 гаруй жилийн хугацаанд үйлдвэрлэлдээ технологийн дэвшил, шинэлэг арга барилыг нэвтрүүлэн чанартай бүтээгдэхүүн үйлдвэрлэдгээрээ олонд танигдсан байдаг. Хөнгөн цагаан хайлшин обуд үйлдвэрлэхэд түгээмэл ашиглагддаг хоёр технологи бий. Түүний нэг нь ROH брэндийн ашиглаж буй Flow forged буюу зормол технологи бол нөгөө нь casting буюу цутгамал технологи. Forged обуд нь хайлуулсан хөнгөн цагааны хайлшийг хэвэнд цутган хөргөөд хатуурах үед нь их хэмжээний даралтаар шахаж дараа нь обудны загвар дизайныг гарган зорж үйлдвэрлэх технологи юм. Энэ технологиор үйлдвэрлэсэн обуд өндөр даралтаар шахсан учир хэвэнд цутгах үед үүссэн хий арилж илүү нимгэн, хөнгөн, бат бөх болдог. Мөн Casting обудтай харьцуулахад хэмжээс илүү нарийвчлалтай сайн болно.